Баянхонгор аймгийн Эрдэнэцогт сумын Эрхт тамч багийн “Эрхэтийн-Ар тогоот” гэдэг газарт иргэн Ц энэ сарын 20-ны өдрийн 10:00 цагийн орчим жимсэнд явганаар яваад сураггүй болсон байна. Дуудлагын дагуу тус аймгийн Онцгой байдлын албан хаагчид иргэн Ц-г  өчигдөр “Эрхэт-Ар тогоот” гэдэг газраас “Эрхэтийн хавцал” гэдэг газар хүртэл явганаар болон морьтойгоор 6 км-т эрэн хайх ажиллагааг зохион байгуулсан боловч үр дүнд хүрээгүй тул мөн өдрийн 19:00 цагт түр зогсоож, өнөөдөр 10:00 цагт эрэн хайх ажиллагааг эхлүүлж байна.

Э.Сонор