3х3 сагсан бөмбөгийн “Улаанбаатар ММС Энержи” багийн тамирчид маань хэцүү хүнд үед эрсдэл гарган тэмцээнд оролцохоор Унгарын Дебрецен хотноо очоод байна.

Манай баг Унгарын Их Дуулгын B хэсэгт Сербийн “Нови Сад”, Чехийн “Хамплеч” багуудтай оноолтоор орсон. Тэмцээн өнөөдөр буюу есдүгээр сарын 1-нд Дебрецен хотын төвд алдарт Nagytemplom (Их сүм)-ын өмнөх талбайд эхлэх юм.

Монгол Улсын баг нэгдсэн чансаагаар дэлхийд 7-р байранд, “Улаанбаатар ММС Энержи” баг 13 дугаарт байгаа бол тамирчид маань хувийн рейтингээр дэлхийд 46-73 дугаар байранд явна. Тамирчид маань FIBA-гийн журмын дагуу тэмцээний үеэр хүмүүстэй уулзахгүй, гар барьж тэврэлдэхгүй, байнга амны хаалт хэрэглэж байгаа гэнэ.

М.Бүүвэй