НӨАТ-ийн буцаан олголт өнөөдрөөс иргэдийн дансанд орж эхэллээ. Одоогоор Төрийн банк, Худалдаа хөгжлийн банкнаас харилцагчдын дансанд НӨАТ-ын буцаалтыг шилжүүлж эхэлжээ.

Нийт 820 мянган иргэнд 120 гаруй тэрбум төгрөг олгоно гэж Сангийн сайд Ч.Хүрэлбаатар мэдээлсэн. Тэрбээр "Нийтдээ 808 мянган хүнд 120 гаруй тэрбум төгрөгийн НӨАТ-ын буцаан олголт маргааш өглөөнөөс (өнөөдөр) эхэлж олгоно. 2017 оны төсвийн гүйцэтгэлээр 2018 онд буцаан олголтоор 630 мянган хүнд нийтдээ 77.8 тэрбум төгрөгний буцаан олголт хийсэн. Энэ жил буцаан олголтын хэмжээ 60 хувиар, хамрагдалт 40 хувиар нэмэгдсэн. Үүнийг бид аж ахуйн нэгжүүдийн үйл ажиллагаа сэргэсэн, эдийн засгийн идэвхжилт нэмэгдсэнтэй холбоотой гэж үзсэн" хэмээсэн юм.

НӨАТ-ын буцаан олголтыг энэ пүрэв, баасан гаригуудад багтаан иргэдийн данс руу шилжүүлэх юм.

Г.Сүрэн