ОУВС-аас Өргөтгөсөн санхүүжилтийн хөтөлбөрийг 2017 оны тавдугаар сарын 24-нд баталж, Монгол Улсад тусгай зээлжих эрхээр санхжүүжилт хийж буй билээ. Гурван жилийн хугацаатай хэрэгжих уг хөтөлбөрийн үнэлгээг улирал тутам хийдэг юм.

Энэ удаагийн буюу тав дахь шатны үнэлгээг ОУВС-ын захирал Жэф Готлибээр ахлуулсан ажлын хэсэг 2018 оны долоодугаар сарын 25-наас наймдугаар сарын 6-ны өдрүүдэд Монгол Улсад ажиллаж, хийв. Ажлын хэсгийнхэн хөтөлбөрийн хэрэгжилт, Засгийн газар болон Монгол банкнаас авч хэрэгжүүлж буй бодлогын арга хэмжээ, тоон үзүүлэлтийн үнэлгээг урьдчилсан байдлаар хийсэн байна. 

Жэф Готлиб үнэлгээний төгсгөлд “Энэхүү хөтөлбөр нь дунд хугацааны төлөв байдал, өрийн тогтвортой байдлыг хангахад чиглэсэн бодлого, бүтцийн өөрчлөлт хийх, санхүүгийн тогтолцоог нөхөн сэргээх, амьжиргааны түвшин доогуур иргэдийг хамгаалах, орлоготой болгоход чиглэсэн” гэж мэдэгджээ. Мөн тэрбээр "Сүүлийн үед макро эдийн засгийн гүйцэтгэл сайжирч байгаа ч эмзэг хэвээр байна” гэдгийг онцоллоо.

Б.Дэлгэрцэцэг