Эрдэнэт үйлдвэрийг өрөнд унагахгүй байх гол баримт болсон ч хууль, шүүхийнхэнд олдохгүй байсан барьцааны гэрээг Эрдэнэт шйлдвэрийн хуулийн хэлтсийн дарга асан Б.Мөнхжаргал сэйфэндээ нууж байжээ. Тэрээр Ч.Ганзориг, Д.Сугар нарыг уг хэрэгт холбоотой гэж шуугих үед гэнэт гарч ирээд "Эрдэнэт үйлдвэр хариуцлага хүлээхгүй" гэх агуулга бүхий 28 хуудас гэрээний эх хувийг арбитрт өгөөгүй нь ялагдах шалтгаан болсон гэж ярьсан. Гэтэл өөрөө тэр гэрээний эх хувийг гэртээ сэйфэндээ нууж байсан нь нэгжлэгээр илэрсэн байна. Илэрсэн гэхээсээ илүүтэй илчилсэн явдал гэж хуулийнхан ярьж байна. Учир нь хэвлэлээр үгээ нэгтгээд байсан Б.Мөнхжаргал, Ч.Ганзориг, Ш.Батхүү нар хоорондоо үл ойлголцож муудалцаж эхэлсэн байна. Тэд барьцаалах бүх үйл явцад Эрдэнэт үйлдвэрийг төлөөлж Стандарт банктай харилцаж байсан хуульч нь нөгөө хоёроо "чирэхээр" шийдсэн аж. Б.Мөнхжаргал дур мэдэн гэрээг нууж, Эрдэнэт үйлдвэрээр өр төлүүлэхийг санаархахгүй нь тодорхой. Тэгэхээр удахгүй хэний заавраар хэргийн гол баримтыг нууснаа илчлэх биз ээ.

ЭХ СУРВАЛЖ: https://ubinfo.mn