Хугацаа хэтэрсэн зээлийн өрийн үлдэгдэл өмнөх оны мөн үеэс 57.4 тэрбум төгрөгөөр буурчээ.

Мөнгөний нийлүүлэлт энэ оны хоёрдугаар сарын эцэст 15.9 их наяд төгрөг болж, өмнөх сараас 135.5 /0.9 хувь/ тэрбум төгрөг, өмнөх оны мөн үеэс 3.6 /29.0 хувь/ их наяд төгрөгөөр өссөн байна.

Гүйлгээнд гаргасан бэлэн мөнгө энэ оны хоёрдугаар сарын эцэст 850.4 тэрбум төгрөг болж, өмнөх сараас 48.5 /6.0 хувь/ тэрбум төгрөгөөр өсөж, өмнөх оны мөн үеэс 94.3 /10.0 хувь/ тэрбум төгрөгөөр буурсан байна.

Аж ахуй нэгж, байгууллага, иргэдэд олгосон нийт зээлийн өрийн үлдэгдэл энэ оны хоёрдугаар сарын эцэст 13.8 их наяд төгрөг болж, өмнөх сараас 170.9 /1.3 хувь/ тэрбум төгрөг, өмнөх оны мөн үеэс 1.2 /9.8 хувь/ их наяд төгрөгөөр өсчээ.

Хугацаа хэтэрсэн зээлийн өрийн үлдэгдэл энэ оны хоёрдугаар сарын эцэст 993.0 тэрбум төгрөг болж, өмнөх сараас 56.0 /6.0 хувь/ тэрбум төгрөгөөр өсөж, өмнөх оны мөн үеэс 57.4 /5.5 хувь/ тэрбум төгрөгөөр буурав. Хугацаа хэтэрсэн зээлийн өрийн үлдэгдэл нийт зээлийн өрийн үлдэгдлийн 7.2 хувийг эзэлж, өмнөх сараас 0.3 пунктээр өсөж, өмнөх оны мөн үеэс 1.1 пунктээр буурсан байна.

Г.Тэгшсүрэн