Английн Манчестер Юнайтед багийн Франц тоглогч Пол Погба өнгөрсөн долоо хоногт Базелийн эсрэг хийсэн тоглолтын үеэр гэмтэл авч талбайг орхисон. Улмаар нарийн шинжилгээгээр шөрмөсөө гэмтээсэн болох нь тогтоогдож, мэс засалд орох шаардлагатай гэсэн юм.

Багадаа 6 долоо хоног тоглох боломжгүй болоод байсан Пол Погба Финляндын шилдэг мэс засалч Сакари Оравад үзүүлэхэд харин эерэг хариу сонссон байна. Өнөө цагийг Дэлхийн шилдэг тамирчдын дунд бурхан мэт шүтэгдсэн 72 настай Финлянд эмч түүний гэмтлийг хэсэг хугацаанд ажиглах хэрэгтэй гэж хэлжээ.

Өнгөрөн долоо хоногт Барселона клубын рекорд Усман Дэмбэлэ мөн ижил оноштойгоор түүн дээр ирж мэс засал хийлгэсэн аж. Тэрбээр хэлэхдээ “Погбагийн гэмтэл Дэмбэлэгийн гэмтлээс бага зэрэг ялгаатай. Иймээс түүнийг мэс засалд оруулахгүйгээр эдгээх боломж байна” гэсэн аж.

Гэхдээ энэ нь эцсийн шийдэр биш бөгөөд  энэ долоо хоногтоо багтан хэрхэх нь тодорхой болох гэнэ. Финляндын эмч Сакари Орава Дэлхийн шилдэг хөнгөн атлетикчидаас гадна, Реал Мадрид, Барселона, Челси, Манчестер Юнайтед, Ювэнтус, АС Милан зэрэг хөлбөмбөгийн клубүүдтэй хамтран ажилладаг юм.  

Г.Баяраа