Европын хөлбөмбөгийн холбоо 21 доош насны шилдэг хөлбөмбөгчинг жил бүр шалгаруулж, “Алтан жаал” шагналыг олгодог уламжлалтай. Тэгвэл энэ жилийн шагналд нэр дэвшигч шилдэг 25 залуу тоглогчийн нэрийг албан ёсоор зарлалаа. Энэхүү жагсаалтад дараах хөлбөмбөгчид багтжээ.

1. Аарон Мартин (Испани) – Эспаньол клубын хамгаалагч
2. Жан-Кевин Огюстен (Франц) – Лейпциг клубын довтлогч
3. Родриго Бентанкур (Уругвай) – Ювэнтус клубын хагас хамгаалагч
4. Стивен Бергвэйн (Нидерланд) – ПСВ Эйндховен клубын жигүүр
5. Доминик Калверт – Льюин (Англи) – Эвертон клубын довтлогч
6. Федерико Кьеза (Итали) – Фиорентина клубын жигүүр
7. Усман Дэмбэлэ (Франц) – Барселона клубын довтлогч
8. Амаду Диавара (Гвиней) – Наполи клубын хагас хамгаалагч
9. Каспер Дольберг (Дани) – Аяакс клубын довтлогч
10. Жианлуйжи Доннарумма (Итали) – АС Милан клубын хаалгач
11. Габриел Жесус (Бразил) – Манчестер сити клубын довтлогч
12. Жо Гомес (Англи) – Ливерпүүл клубын хамгаалагч
13. Беньямин Хенрикс (Герман) – Байер Леверкузен клубын хамгаалагч
14. Борха Майораль (Испани) – Реал Мадрид клубын довтлогч
15. Килиан Мбаппе (Франц) – ПСЖ клубын довтлогч
16. Эмре Мор (Турк) – Сельта Виго клубын жигүүр
17. Рис Оксфорд (Англи) – Вэстхэм клубын хамгаалагч
18. Кристиан Пулишич (АНУ) – Боруссиа Дортмунд клубын жигүүр
19. Маркус Рэшфорд (Англи) – Манчестер Юнайтед клубын довтлогч
20. Аллан Сен-Максимен (Франц) – Ницца клубын жигүүр
21. Доминик Соланке (Англи) – Ливерпүүл клубын довтлогч
22. Тео Эрнандес (Франц) – Реал Мадрид клубын хамгаалагч
23. Юри Тилеманс (Бельги) – Монако клубын хагас хамгаалагч
24. Энес Унал (Турк) – Вильярреал клубын довтлогч
25. Кайл Уокер-Питерс (Англи) – Тоттэнхэм клубын хамгаалагч 

ЕХБХ анх 2003 оноос “Алтан жаал” шагналыг өгч эхэлсэн бөгөөд энэхүү санаачилгыг Италийн “Tuttosport” сонин анх гаргасан түүхтэй. Тэгвэл өдгөө уг шагналын эзнийг хөлбөмбөгийн чиглэлээр дагнан бичдэг Европын 30 сэтгүүлчийн саналаар тодруулдаг болоод байгаа юм. Үүнд нь Испанийн Marca, Mundo Deportivo, Францын French football, Их Британийн The Times, ОХУ-ын Спорт Экспресс зэрэг томоохон сонин, сэтгүүлийн сэтгүүлчид багтдаг юм.   

2003 онд хамгийн анхны шагналын эзнээр Нидерландын хөлбөмбөгчин Рафаэль ван дер Варт тодорч байсан бол түүнээс хойш Уэйн Рүүни, Лионель Мэсси, Сеск Фабригас, Сэрхио Агуэро тэргүүтэй Дэлхийн шилдгүүд уг шагналыг хүртсэн байдаг. Жил бүр Шинэ жилийн баярын өмнө энэхүү шагналын эзэн тодордог юм.     

Г.Баяраа