Италийн домогт тамирчин Валентино Росси өнгөрсөн 8-р сарын сүүлээр бэлтгэлийн үеэр осолд орж, хөлөө хугалсан юм. Тэгвэл Яамаха багийн гишүүн энэ гэмтлээсээ хойш ердөө 18 өдрийн дараа дахин зам дээр гарсан байна. 38 настай Итали эрийн хувьд гэмтэл авснаасаа хойш 4 өдрийн дараа Сан Мариногийн гранприд оролцоно гэж байсан ч түүний биеийн байдал хангалттай сайжраагүй тул өнжихөөс өөр сонголтгүй.

Энэ жилийн ДАШТ-ий 4-р байранд жагсаж байгаа тэрбээр тэргүүлэгч Марк Маркесаас 42 онооны зөрүүтэй байгаа. Иймээс түүний гол зорилго нь үлдсэн 5 уралдаанд оноо алдахгүй уралдаж энэ зөрүүг арилгах явдал юм. Өчигдөр тэрбээр Марко Симончеллигийн нэрэмжит авто тойруулгад хэд хэдэн тойрог хийсэн бөгөөд борооны улмаас бэлтгэл удаан үргэлжлээгүй аж.

Г.Баяраа