Энэ долоо хоногт Аваргуудын лигийн шинэ улирал эхэлж, хэсгийн эхний тоглолтууд болсон. Цом хамгаалагч Испанийн Реал Мадрид багийн хувьд хэсгийн эхний тоглолтоо Киприйн АПОЕЛ багийн эсрэг хийж 3-0 харьцаатай буулган авсан юм.

Харамсалтай нь уг тоглолтын үеэр багийн хагас хамгаалагч Матео Ковачич гэмтэл авсан нь багийн хувьд тун тааруу мэдээ байсан. Тэгвэл Хорват хагас хамгаалагчийн нарийн шинжилгээний хариу гарч багадаа 2 сарын хугацаанд тоглох боломжгүй болсон байна.

Тони Кросс, Лука Модрич нарын шилдэг тоглогчийн сэлгээнээс тоглодог түүний гэмтэл багт нилээд хүнд туссан нь гарцаагүй биз ээ. Учир нь энэ долоо хоногт хийх Ла лигийн тоглолтонд Реалын үндсэн бүрэлдхүүний хэд хэдэн тоглогчид ороцлох боломжгүй байгаа. К.Роналду, Марсело нар шийтгэлтэй байгаа бол Карим Бензема гэмтэл авсан нь гарааны бүрэлдэхүүнд томоохон өөрчлөлтүүдийг оруулах шаардлагатай болгосон. Иймээс Реал Сосьедадын эсрэг Матео Ковачичийг ашиглах магадлал тун өндөр байсан билээ. 

Г.Баяраа