Холимонг тулааны UFC холбооноос -93 кг жингийн аварга цолоо Жон Жонусаас хураан авч, Даниель Кормьерт эргүүлэн өгсөн байна. Учир нь Жон Жонусын сэргээшийн “Б” сорьцын шинжилгээний хариу мөн эерэг гарснаар, хориотой ам бэлдмэл хэрэглэсэн болох нь батлагдсан юм.

Уг нь дээрх 2 тамирчин UFC 214 тулаанаар хоорондоо өрсөлдөж, 3-р үед Жон Жонус ялалт байгуулсан юм. Гэсэн ч удалгүй сэргээшийн асуудал дэгдсэн юм. Ийм тохиолдолд холбооны дүрэм ёсоор уг тулааныг болоогүйд тооцож, аварга цолыг хуучин эзэмшигчид шилжүүлдэг аж.

Сахилга батын хувьд тун тааруу гэгддэг Жон Жонус ийнхүү дахин нэг асуудал тарьсан юм. Тэрбээр өмнө нь 2 ч удаа аварга цолоо хураалгаж байсан удаатай. Жил бүр томоохон асуудалд холбогдож байгаа Жон Жоунстай UFC холбоо дахин хамтрах эсэх нь тун эргэлзээтэй болоод байна. 

Г.Баяраа