Хэдэн долоо хоногийн өмнө ЛэБрон Жэймс UCLA их сургуулийн бэлтгэл дээр очих үедээ урд өмнө нь хэний ч харж байгаагүй пүүз өмссөн байсан. Ямар пүүз вэ гэж гайхаж байсан бол энэ пүүзийг бид 10 дугаар сарын 18-аас эхлэх улиралд улиг болтол харах нь.

Инстаграм болон твиттер хуудсуудаар саяхан ЛэБрон 15 пүүзний зураг задарсан юм. Энэ цаг үеийн хамгийн шилдэг сагсан бөмбөгч ЛэБроны нэрийн цуврал пүүзний 15 дахь загвар нь дээр дурдсан пүүз байлаа.Түүний шинэ пүүз спортын гутал үйлдвэрлэлд болон сагсан бөмбөгийн пүүз үйлдвэрлэлд сүүлийн үед хэрэглэгдэж байгаа “Battleknit, Battlemax болон Zoom Air” зэрэг технологийг ашиглаж бүтээсэн юм байна.

ЛэБрон Жэймсийн хувьд ахлах сургуульд байхдаа буюу 2003 онд НБА-д орж ирэхээсээ өмнө спорт бараа бүтээгдэхүүн үйлдвэрлэгч Найки компанитай 90 саяын гэрээ байгуулж байсан билээ. Түүнээсээ хойш тэрбээр улирал бүр өөрийнхөө нэрийн боловч өөр өөр загварын пүүз өмсөж байгаа юм. Харин 2015 онд тэрбээр Найки Компанитай гэрээ байгуулсан бөгөөд гэрээний дүнг 1 тэрбум давсан үнэтэй гэж судлаачид таамаглаж байгаа юм.

Түрүү жил ЛэБрон 14 загварыг бид зул сарын баяраар анх харж байсан бол энэ жил улирлын эхнээс л ЛэБрон 15 пүүзийг харах болж байна.

Б.Энх-Амгалан