Германы Хамбург хотноо болсон боксын 19 дэх удаагийн ДАШТ-нд оролцсон Монголын баг тамирчид өнөөдөр эх орондоо ирлээ.  Манай улсаас дөрвөн ширэн бээлийтэн эх орноо төлөөлөн оролцсноос  “РИО 2016” олимпийн наадмын хүрэл медальт,  МУГТ Д.Отгондалай хүрэл медаль хүртэж, төрийн далбаагаа мандуулсан юм.

Тэрбээр “Олимп, дэлхийн хос медальтан гэж дуудагдах эрхэм хүндтэй амжилтад хүрлээ. Энэ хүртэл надтай хамт байж, сэтгэл зүрхээрээ дэмжиж байсан Монголынхоо ард түмэн, ХХЕГ, Хилчин спорт хороо, АПУ ХК-д маш их баярлалаа. Олимп, дэлхийн хоёр том дэмжээн дээр Францын тамирчинтай тулалдлаа. Хариугаа авъя гэж бодсон ч харамсалтай нь чадсангүй. Боломж олон байгаа. Цаашдаа бэлтгэл сургуулилтаа сайн хийж, олон рингин дээр таарах байх. Монгол Улсаас дөрвөн боксчин оролцлоо. Бүгдээрээ медалийн төлөө тоглож, тэмцээнд маш  сайн оролцсон” хэмээн сэтгэгдлээ хуваалцлаа.

В.Бат