Испанийн эзэн хааны Реал Мадрид баг шинэ хүндэт гишүүнтэй боллоо. Энэ хүн нь Формула нэгийн Дэлхийн хошой аварга, Испани нисгэгч Фернандо Алонсо байсан юм. Өчигдөр түүнийг клубын үндсэн талбайд болох Сантияго Бернабеу цэнгэлдэхэд урьсан бөгөөд клубын ерөнхийлөгч Флорентино Перез түүнд хүндэт гишүүний 1 дугаартай өмсгөлийг гардуулан өгсөн байна.

Хэдийгээр Ф.Алонсо Испанийн хойд хэсгийн Астуриас мужийн Овиедо хэмээх жижиг хотоос гаралтай ч бяцхан хүү байхаасаа Реал Мадрид багийн үнэнч дэмжигч байсан юм.

Реал Мадрид багийн хүндэт гишүүний шагналыг өмнө нь олон алдартнууд хүртэж байсны дотор гольфчин Серхио Гарсиа, теннисчин Рафаель Надаль нарын шилдэг тамирчид хүртэж байсан удаатай.

Г.Баяраа