Английн Уэстхэм Юнайтед багийн довтлогч Энди Кэрроль саяхан дээрэмдүүлэх дөхжээ. Э.Кэррол тухайн үед өөрийн биедээ 22 мянган фунт авч явсныг хоёр дээрэмчин олж мэдсэн байна. Улмаар түүний машиндаа суух мөчөөс эхлэн мотоциклоор хөөж, буу тулган дээрэмдэхийг оролдсон гэнэ. Айж сандарсан шилдэг довтлогч дээрэмчдээс зугтаж чадсан бөгөөд хүчирхэг хөдөлгүүртэй машин нь түүнийг амийг аварсан байна. Гэхдээ шилдэг хөлбөмбөгчин дээрэмчдээс зугтаж явахдаа хэд хэдэн машин мөргөж, гэмтээсэн байна.

Энэ хэргийн зарим хэсэг гудамжны хяналтын камерт тун тодорхой бичигдэн үлдсэн бөгөөд цагдаагийн ажилтнууд уг бичлэгийн тусламжтайгаар эхний сэжигтнийг олж баривчилсан байна. Түүний нэрийг Жэк О’Брэйн гэдэг бөгөөд 22 настай аж. Харин нөгөө сэжигтний талаар тодорхой мэдээлэл хараахан гараагүй байгаа юм.

Г.Баяраа