Эмэгтэйчүүдийн 63 кг-д хүч үзэж буй манай тамирчин ОУХМ Б.Ганхайч хоёрдугаар тойрогтоо БНСУ-ын бөх Хан Хэ Жутай учраа тааран барилдлаа. Барилдааны эхэнд манай бөх хоёр шидо торгууль авсан учраас үлдсэн цагт хичээх хэрэгтэй болсон. Учир нь дахин нэг торгууль авбал шууд ялагдах аюултай байсан юм. Тиймээс ч үндсэн цаг дуустал идэвхитэй барилдаан үзүүлж алтан үнэлгээгээр ялагч тодрох болсон. Манай бөх бярын хувьд илүү байгаа нь илт мэдрэгдэж байсан ч нэг шидо үнэлгээ дутуу учраас хоёр торгууль, эсвэл үнэлгээ авах мэх хийж ялах сонголт байсан.

Улмаар нэмэлт цагийн 44 секунд өнгөрч байхад манай бөх шийдэмгий зоригтойгоор баруун гар шилдсэн, зүүн гар бүснээс барьсан барьцнаас өрсөлдөгчөө шидэж цэвэр ялалт авлаа.

Б.Энх-Амгалан