Б.Ганхайчийн араас эмэгтэйчүүдийн 63 кг-д ОУХМ Б.Мөнгөнчимэг барилдлаа. Манай бөхийн хувьд энэ жилийн Азийн АШТ-ий мөнгөн медальтай тамирчин бол түүнтэй эхний шатанд учраа таарсан бөх нь 2013 оны Ташкентийн гран при тэмцээний хүрэл медальт Энэтхэгийн тамирчин Сунибала Дэви Хуйдром байсан юм.

Гуравдугаар татамид өнөөдрийн 32 дахь барилдаан болж бүртгэгдсэн хоёр бөхийн барилдаан эхнээсээ манай бөхийн санаачлага дор явагдсан. Барилдаан эхлээд 20 секунд өнгөрч байхад манай бөх хөмөрч вазари үнэлгээ авч улмаар даралтад шилжсэн юм. Ингээд барилдаан эхлээд 52 секунд л өнгөрч байхад манай бөх даралтаар цэвэр ялалт авлаа.

Манай бөхийн дараагийн өрсөлдөгч нь энэ жил 18 настай Финляндын бөх Эмилиа Канерва байх болно.

Б.Энх-Амгалан