Бүх Хятадын Үндэсний 13 дахь тоглолт БНХАУ-ын Тяньжинь хотноо энэ өдрүүдэд болж байна. Өнөөдөр тэмцээний хийн бууны дасгалын үеэр дэлхийн рекорд эвдэгджээ. Тодруулбал эрэгтэйчүүдийн 10 метрин хийн гар бууны дасгалд Шандонг мужийн харьяат Тан Зонлиан 242.3 оноог авсан байна.

Энэ жил 46 настай уг тамирчин нь 1996-2012 оны хооронд таван Олимпод БНХАУ-ыг төлөөлж оролцож байсан нэгэн юм. 2008 онд Бээжин хотод болсон Зуны Олимпийн наадамд 50 метрийн гар бууны дасгалд мөнгөн медаль хүртсэн амжилттай аж.

Түүний өнөөдөр тогтоосон уг рекорд амжилтыг өмнө нь Германы тамирчин Кристиан Рейтц эзэмшиж байжээ. Германы тамирчин энэ оны гуравдугаар сард Словени улсад зохиогдсон Европын АШТ-ий үеэр 241.6 оноог авч байсан бол Тан Зонлианг уг амжилтыг 0.7 оноогоор ахиулсан байна.

Б.Энх-Амгалан