Өнгөрөгч Ням гарагт Флоёд Мэйвэдэр, Конор МакГрэгор хоёрын тулаан дэлхий нийтийн анхаарлын төвд байсан. Ялсан тамирчин нь 300 сая доллар халаасалж, ялагдсан нь 100 саяыг өөрийн болгосон дэлхийн түүхэнд байгаагүй их шагналын сантай уг тулааныг сая сая үзэгч үзсэн. Тэгвэл Ронда Рөүсид энэ хоёрын хэн ялах нь “падгүй” байжээ.

UFC-ийн хамгийн шилдэг эмэгтэй тулаанчдын нэг байсан бүсгүйд энэ тулаанаас илүү анхаарал хандуулах зүйл байсан юм. Энэ нь түүний хурим.

Тулаанч бүсгүй Хавайн аралд хуримаа хийсэн байна. UFC-ийн тулаанчдын нэг Трэвис Браун буюу Ронда Рөүсийгийн нөхөр нь Хавай аралд төрж өссөн нэгэн юм. Тиймдээ ч хосууд хуримын ёслолоо тэнд үйлджээ. Тэд энэ талаараа сошиал хуудсаараа дамжуулан саяхан мэдэгдсэн юм. Хосууд 2015 оноос үерхэж эхэлжээ.

Б. Энх-Амгалан