Будапешт-2017 жудо бөхийн насанд хүрэгчдийн ДАШТ хоёр дахь өдрөө үргэлжилж байна. Энэ өдөр дэлхийн аваргын татами дээр манай улсыг төлөөлж гурван тамирчин барилдах ёстойгоос эмэгтэйчүүдийн 52 кг-ын жинд Ч.Аззаяа гаран барилдлаа.

Тэрбээр эхний барилдаанаа ОХУ-ын бөх Юлия Казаринагийн эсрэг хийсэн юм. Барилдааны эхнээс манай бөх өөртөө итгэлтэй сайхан барилдааныг үзүүлж, өрсөлдөгч тамирчнаас илүү санаачлагатай байсан тул 2 ч торгуулийг ОХУ-ын тамирчинд өгүүлж чадсан. Ингээд дахиад ганцхан шидо торгууль өгүүлбэл ялах ёстой байсан юм. Гэсэн хэдий ч үндсэн цагт хэн хэн нь үнэлгээ авч чадаагүй. Улмаар алтан онооны барилдаанд манай бөх хүч үзэх болсон юм. Нэмэлт цагт эсрэг тамирчин илүү санаачлагатай байснаар 1:38 минут өнгөрч байхад шийдсэн мэх хийж манай бөхийг цэвэр яллаа.

Б.Энх-Амгалан