Будапешт-2017 жудо бөхийн насанд хүрэгчдийн ДАШТ хоёр дахь өдрөөрөө үргэлжилж байна. Энэ өдөр дэлхийн аваргын татами дээр манай улсыг төлөөлж гурван тамирчин барилдах ёстойгоос эмэгтэйчүүдийн 52 кг-ын жинд U18 ангилалын Азийн АШТ-ий аварга Б.Хорлоодойхоёр дахь тамирчин болж дэвжээнд гарсан.

Түүний эхний учраа бөх нь Доминикан улсын бөх Дэ Жэсүс Диана байлаа. Барилдааны эхнээс манай бөх санаачлагыг гартаа аван барилдаж байсан юм. Манай бөхийн хувьд энэ жил 19 настай залуу бөх юм. Тиймдээ ч зоригтой сайхан барилдаж байлаа. Ингээд барилдаан дуусахад 1 минут 53 секунд үлдээд байхад манай бөх өрсөлдөгчөө цэвэр ялснаар тэмцээний эхний даваагаа авлаа. Тэмцээний хоёрдугаар тойрогт манай тамирчин Румын улсын бөхтэй барилдана.

Б. Энх-Амгалан