Өчигдөр Австралийн Перт хотын цагдаагийн ажилтнууд Хар тамхи, сэтгэцэд нөлөөлөх эмч бэлдмэл худалдаалсан сэжигтнийг баривчилсан нь нэр дугуйчин Жэк Бобриж байжээ. Танхимын дугуйн спортоор олон танигдсэан Дэлхийн 3 удаагийн аварга, Олимпийн хошой мөнгөн медалийн эзэн тэрбээр өнгөрсөн оны 11-р сард үе мөчний өвчнөөс шалтгаалж мэргэжлийн дугуйчны замналаа дуусгаад байсан юм.

Харин зодог тайлснаасаа хойш ийнхүү муу мэдээтэй олны өмнө гарчээ. Баривчилгаа хийгдэх үеэр Ж.Бобрижийн биеэс 6 ширхэг шахмал мансууруулах бодис олдсон байна. Өдгөө түүнийг албадан саатуулж мэдүүлэг авч байгаа бөгөөд Перт хотын цагдаагийн газарт түр хоригдож байгаа гэнэ.

Хэрвээ энэ хэрэгт нэрт дугуйчин буруутай тогтоодвол тодорхой хугацаанд шоронд ял эдлэх нь гарцаагүй гэдийг эх сурвалжууд мэдээлж байна.  

Г.Баяраа