Энэ өдрийн барилдаануудын хамгийн хүнд жин болох 75 кг-д Иван Ярыгиний нэрэмжит “Алтан Гранпри” тэмцээний аварга, “Хилчин” спорт хорооны тамирчин ОУХМ Г. Уртнасан зодоглолоо. Түүний өрсөлдөгч нь талбайн эзэн буюу Францын тамирчин Паулинью Лэкарпэнтиэр байлаа. Тун ширүүн өрсөлдсөн уг барилдаанд эхний оноог манай бөх торгуулиас авч чадсан. Харамсалтай нь барилдаан талдаа орж байхад манай бөх торгууль авч 30 секундэд оноо авах шаардлагатай болсон. Гэхдээ ямартай ч манай бөх тус торгуулийн хугацаанд өрсөлдөгч тамирчнаас 2 оноо салгаж, үүнээсээ нэг их удалгүй дахин хоёр оноо авсан юм. Ингээд барилдааны цаг дуусахад манай бөх дахин хоёр оноо авснаар 7:0 харьцаатай талбайн эзэн тамирчинг буулган авлаа.

Дараагийн шатанд манай бөх Украйн, Бразил, Эстон бөхчүүдийн аль нэгтэй таарна.

Б. Энх-Амгалан