Чөлөөт бөхийн ДАШТ-ий 55 кг-д хүч үзэж байгаа Азийн АШТ-ий хүрэл, залуучуудын ДАШТ-ий алт, хүрэл медальт “Хилчин” спорт хорооны тамирчин Э.Даваачимэг эхний барилдаанаа өндөрлүүллээ. Түүний эхний учраа нь ДАШТ-ий хүрэл медальт, 23 хүртэлх насны ЕАШТ-ий хошой аварга Украйны тамирчин Татьяна Кит байсан юм.

Барилдааны эхэнд манай бөх онооны давуу байдлыг алдаж, хөлдөө хэд хэдэн удаа эсрэг бөхөө алдаад байсан бол барилдааны дунд үеэс өрсөлдөгч бөхийнхөө мэхийг мэдэрч, өөрөө хий багатай барилдаж эхэлсэн юм. Улмаар 6:1 гэсэн онооны дутуу байдлаа цаг дуусахаас өмнө 7:6 болгож чадсанаар эхний даваагаа амжилттай давж чадлаа. Эхний хүндхэн учраагаа давсан манай бөхийг одоо Турк болон БНСУ-ын бөхчүүдийн ялсан нь сорих юм.

Б. Энх-Амгалан