Францын Марсель клубын академийн шилдэг төгсөгчдийн нэг Самир Насри Евроын хөлбөмбөгт гялалзаж явсан цаг саяхан. Лондоны Арсенал клуб түүнийг 2011 онд Манчестер ситид 25 сая фунтээр өгч байсан нь түүний чансааг хангалттай илтгэнэ. Тэгвэл Франц залуугийн ханш унаж,  саяхан Туркийн Анальяспор багтай 3.5 сая еврогийн үнээр нэгдсэн байна.

Хууралт, бөмбөг эзэмшилт, дамжуулалтын чадвараар гайхагддаг Франц залуугийн замналд гэмтэл бэртэл  том саад болсон бөгөөд 2015 оны 11-р сард бэлтгэл дээр гэмтэл авсан нь том нөлөө үзүүлжээ. Улмаар тэрбээр жил орчим хугацааг талбайн гадна өнгөрүүлсэн юм. Өнгөрсөн улиралд тэрбээр Испанийн Севилья багт зээлээр тоглосон ч хангалттай амжилтыг үзүүлээгүй билээ. 

Г.Баяраа