Энэ долоо хоногт хөлбөмбөгийн хорхойтнуудын магнай тэнийж, Английн Премьер лигийн шинэ улирал эхэлнэ. Анх 1992 онд Английн 1-дивизон Премьер лиг нэртэй болж, 1995 оноос эхлэн тус лигт 20 баг өрсөлдөж эхэлснээр Дэлхийн хамгийн шилдэг лиг болсон уг тэмцээний хөгжлийн зам тавигдсан гэхэд болно.

Анх 1992 оны 8-р сарын 15-нд Премьер лигийн анхны улирлын нээлтийн тоглолт Шеффилд Юнайтед- Манчестер Юнайтед багуудын хооронд болж, Шеффилдээс довтлогч Брайн Дин эхний гоолыг оруулсан нь Английн Премьер лигийн түүхэн дэх хамгийн эхний гоолоор тэмдэглэгдэн үлдсэн байдаг.  Тухай үеэс хойш 25 улирал өнгөрөхөд уг лигт нийт 25 768 гоол орсон байдаг юм. Иймээс энэ улиралд 26000 дахь гоол орох нь гарцаагүй юм.

Өнгөрсөн оны 11-р сарын 6-ны өдөр Манчестер Юнайтед багийн довтлогч Златан Ибрахимович лигийн 25 мянга дахь гоолыг оруулсан.

Харин 26 000 дахь гоолын эзэн хэн байх бол?

Г.Баяраа