Унгарын Будапешт хотноо хагас сар гаруй хугацаанд үргэлжилсэн Усан спортын ДАШТ амжилт ялалтаар дүүрэн хаалтаа хийлээ. Энэ жилийн тэмцээний үеэр хэд хэдэн сонирхолтой дээд амжилт тогтоодсны нэг нь АНУ-ын усанд сэлэгч Калеб Дресселийг үзүүлсэн амжилт байлаа.

Энэ жилийн ДАШТ-ий нийт 7 төрөлд хүч үзсэн тэрбээр оролцсон бүх төрөлдөө аваргын алтан медалийг хүртснээр домогт Майкл Фельпсийн дээд амжилтыг давтаж чадсан юм. Усан спортын амьд домог болсон М.Фельпсийн хувьд 2007 онд Австралийн Мельбурн хотод болсон ДАШТ-ээс нийт 7 алтан медаль хүртэж байсан нь Дэлхийн дээд амжилтаар бүртгэгдэж байсан юм.

Мөн Калеб Дрессел сүүлийн 3 алтан медалиа 24 цагийг хугацаанд багтаан авсан нь түүхэн дэх анхны тохиолдол болсон байна. ДАШТ-ий түүхэнд ийнхүү 2 эрэгтэй тамирчин нэг ДАШТ-с 7 алтан медаль хүртсэн гэж тэмдэглэгдэн үлдлээ. Харин эмэгтэй тамирчдаас Унгарын Катинка Хоссу мөн ийм амжилтыг гаргаж байсан түүхтэй. 

Г.Баяраа