НБА-ын чөлөөт агентын зах дээр маш олон нэрс ардаа аль нэг багийн тэмдэглэгээгүй байгаа билээ. Зарим нэг тоглогчид нь Кайри Өрвингийн багаа орхих дуулиантай холбоотойгоор түр азнасан байдалтай байгаа. Тэгвэл зарим нь эртхэн гэрээ үзэглэхийг илүүд үзэж байна. Өнгөрсөн 24 цагт 2 тоглогч багуудтай гэрээ үзэглэсэн юм.

Ахмад тоглогч Аарон Афлало нэг жилийн 2.1 сая ам.долларын гэрээг Орландо Мэжик багтай хийсэн байна. Өдгөө 31 настай Афлало Дэнвэр рүү солигдохын өмнө хоёр ч улирлыг Орландо хотод өнгөрүүлж байжээ.

Мөн Атланта Хоксын хүчний довтлогч Майк Мускала багтайгаа 2 жилийн 10 сая долларын гэрээний тохиролцоонд хүрсэн байна. Атланта Хокс энэ улиралд хүчний довтлогч Пол Милсаппыг Дэнвэр Наггэтс руу явуулсан учраас Мускалад ирэх улирлаас талбай дээр нэмэлт минут оногдох боломжтой юм. Тэрээр өнгөрсөн улиралд сэлгээнээс 6.2 оноо, 3.4 самбараас бөмбөг авалтыг 70 тоглолтонд дунджаар авч байсан байна. Мөн довтолгооны хувь нь баг дотроо хоёрдугаарт орох үзүүлэлт буюу 50.4 гэсэн өндөр хувьтай байсан юм.

Б. Энх-Амгалан