МХБХ-оос 3 дахь жилдээ эмэгтэйчүүдийн лигийг зохион байгуулахаар болоод байгаа билээ. Лиг өнөөдөр эхэлж 8 сарын 3-нд дуусах хуваарьтай байгаа юм. Энэ жилийн эмэгтэй лигийн тэмцээнд 9 баг оролцож байна. Тэгвэл өчигдөр МХБХ болон ОУХБХ-ны хамтын ажиллагааны хүрээнд “Эмэгтэйчүүдийн хөлбөмбөгийн хөгжил” төслөөр эдгээр оролцож байгаа багуудад хувцас хэрэглэл гардуулж өгсөн байна.

Уг гардуулсан зүйлст нэг ээлжийн өмсгөл, хаалгачийн хувцас, шорт, оймс, пүүз, шилбэний хамгаалалт, бөмбөг гэх мэт тамирчдад хэрэгтэй бүхий л зүйлс багтсан байсан юм. Онцлууштай нь эдгээр бүх зүйлс нь дэлхийд алдартай Адидас брэндийн хувцас, хэрэглэл байлаа. Уг хувцас хэрэглэл гардуулах ёслолын ажиллагаанд МХБХ-ны ерөнхийлөгч А. Ганбаатар, техникийн хэлтсийн захирал Ш. Жаргалсайхан, гадаад харилцааны хэлтсийн дарга С. Монголжингоо нарын хүндэт зочид оролцож, нийт тамирчдад амжилт хүссэн байна.

Б. Энх-Амгалан