Нэгэн цаг үеийн НБА-ын шилдэг холбон тоглогчдын нэг гэгдэж байсан Тай Лаусон БНХАУ-ын Шанси Драгонс багтай холбогдсон талаар эх сурвалжууд мэдээлж байна. Дэнвэр Наггэтсийн од болж байсан цаг саяхан. Түүнээс хойш талбай дээр ч тэр, талбайн гадна ч тэр нэг л болж өгөхгүй байгаа нь үнэн. Өнгөрсөн улиралд Сакрэмэнто багт хүчин зүтгэсэн Тай Лаусон харин уг мэдээллийг няцаагаад байна. Өөрийнх нь хэлж байгаагаар түүнтэй НБА-ын хэд хэдэн баг холбогдсоноос Тай Лаусоны сонирхлыг татаж байгаа саналууд байгаа гэж сэтгүүлчдэд хэлсэн байна.

Түүний хувьд Дэнвэрээс явснаасаа хойш согтууруулах ундаатай холбоотой гэмт хэрэг, зөрчлүүдэд хэд хэд нэр холбогдоод авсан. Өнгөрсөн өвөл түүнийг албадан хөдөлмөр эрхлүүлэх шийтгэлээр хүртэл шийтгэж байсан. Гэхдээ сүүлийн гурван жилийнхээ хамгийн дажгүй улирлыг өнгөрсөн улиралд Даррэн Коллисоны сэлгээнээс үзүүлсэн билээ.

Б. Энх-Амгалан