Дэлхийн шилдэг жүдочдийн нэг, Грекийн домогт бөх Илиас Илиадис манай улсад ирэхээр болжээ. Энэ тухай Монголын Жүдо бөхийн холбооноос мэдээлжээ. Грек эрийн хувьд ОУ-ын Жүдо бөхийн холбооны томилолтоор энэ сарын 30ны өдөр Улаанбаатарт газардах гэнэ. И.Илиадис энэ аялалынхаа хүрээнд Монголын өсвөрын Жүдочдийн аж амьдралтай танилцахаас гадна, өсвөр үе, залуучууд, насанд хүрэгчдийн шигшээ багийн гишүүдтэй уулзаж, туршлага хуваалцах гэнэ.

Жүдо бөхийн -81, -90 кг жинд хамгийн чадварлаг өрсөлдөгч байсаар ирсэн тэрбээр Олимпийн наадмаас 2 өөр жинд медаль (2004 он -81 алт, 2012 он -90 хүрэл) хүртсэн цөөхөн бөхчүүдийн нэг. Мөн тэрбээр ДАШТ-нд гурван удаа түрүүлж, хошой мөнгө, нэг хүрэл медаль хүртсэн билээ.  

Г.Баяраа