Энэ оны хоёрдох Гранд тур Франц улсад үргэлжилсээр байна. Өчигдөр уралдааны 17 дахь гараа Альп сүрлэг уулсаар үргэлжилсэн байна. Энэ оны хуваарьт багсан хамгийн хүнд уралдаан гэгдэж байсан энэ шатны үеэр осол гарсан нь уралдааны үр дүнд нөлөөлөхүйц үр дагаварыг авчирчээ.

Учир нь ослын үеэр Германы шилдэг спринтер Марсель Киттель гэмтэл авч, уралдааныг орхиход хүрчээ. Уг нь түүний хувьд онооны тэргүүлэгчид очдог ногоон цамцыг эзэмшиж байсан юм. Күйк Степ-Флорс багийн гишүүний хувьд баруун мөр, эгэм, гартаа хэд хэдэн гэмтэл авсан байна.

Германы шилдэг дугуйчин ийнхүү 4 гарааныөмнө уралдааныг орхиж байгаа бол түүний оронд Австралийн Майкл Мэттьюс ногоон цамцыг эзэмших боломжтой болж ирлээ.

Ийнхүү Дэлхийн хамгийн шилдэг таван спринтерийн хоёр нь ийнхүү энэ жилийн Тур де Франсыг дуусгаж чадсангүй. Өмнө нь мөн Словакийн Петер Саган дүрмын бус уралдаан хийж, уралдаанаас хасагдсан билээ. М.Киттель Тур де Франс уралдааны нийт 13 шатанд түрүүлсэн амжилтаар Герман дугуйчдийг тэргүүлдэг аж.

Г.Баяраа