Европийн хөлбөмбөгийн лигийн шинэ улирал эхлэхэд сар хүрэхгүй хугацаа үлджээ. Иймээс багууд улирлын өмнөх хуваарьт аялан тоглолтуудаа хийж эхлээд байна. Английн Уотфорд клубын хувьд 2017-18 оны улирлын өмнө Австри улсад 2 ч  нөхөрсөг тоглолтыг хийх хуваарьтай байгаа. Чехийн Виктория, Испанийн Эйбар клубүүдийн эсрэг хийх уг тоглолтын бүрэлдхүүнд багийн ахлагч Трой Дини багтаагүй байна.

Учир нь түүний авсан цавины гэмтэл бүрэн эдгэрээгүй гэнэ. Гэхдээ Т.Дини шинэ улирал эхлэхэд бүрэн бэлэн болсон байх гэнэ.  Багахан мэс засалд ороод удаагүй байгаа түүний оронд Вилл Хъюс, Натаниель Шалоба нарын тоглогчид Австрийг зорьжээ. Багийн шинэ дасгалжуулагч Марко Силвагийн аялан тоглолтын бүрэлдхүүнд нийт 31 тоглогч багтаад байгаа юм.      

Г.Баяраа