Испанийн шилдэг баг Реал Мадрид клуб Дэлхийн шилдэг хөлбөмбөгчдийг үнэ цохиж авахын хажуугаар гоц авъяастай залуу тоглогчдыг ч эгнээдээ нэгтгэж чаддаг. Тэгвэл өчигдөр бас нэгэн залуу тоглогчтой гэрээ хийжээ. Тэдний энэ удаагийн сонголт нь Францын залуу хамгаалагч Тео Эрнандес болжээ. Атлетико Мадрид клубын академиас гарч ирсэн 19 настай залуу хамгаалагчийн төлөө Реал хэдий хэмжээний мөнгө төлсөн нь тодорхойгүй байгаа ч талууд 6 жилийн гэрээнд гарын үсэг зурсан болох нь тодорхой болов.

Зүүн жигүүрийн хамгаалалтад чадварлаг тоглодог тэрбээр өнгөрсөн улирлыг Ла лигийн Алавес багт зээлээр өнгөрүүлж, 32 тоглолтод оролцон 1 гоолыг оруулсан аж.

Г.Баяраа