Английн Вест Бромвич клуб шинэ тоглогч авсан нь 20 настай Хятад довтлогч Жан Юйнин юм. Нидерландын Витесс багт тоглож байсан тэрбээр 2 жилийн хугацаанд 27 тоглолтод оролцож, 4 гоолыг оруулсан аж.

Премьер лигийн баг түүнтэй 3 жилийн гэрээ үзэглэсэн бөгөөд Витесст ямар хэмжээний мөнгө төлсөн нь тодорхойгүй байна. Гэхдээ Вест Бром түүнийг эхний 2 жилдээ ашиглахгүй байхаар шийдэж, шууд Германы Вердер Бременд 2 жилийн хугацаатай зээлээр өгсөн байна.

Өмнө нь Английн Премьер лигт Хятад улсын 5 тамирчин тоглож байсан түүхтэй.

Г.Баяраа