Лос Анжелэс Клиппэрс Блэйк Гриффинг авч үлдэх хамгийн том зорилготойгоор 7 сарын нэгнийг угтана. Тэгвэл үүний араас түүнд хань болох тоглогчийн эрэлд гараад байна. Тэдний овоо хараанд Жонатон Симмонс, Рүди Гэй, Данило Галинари, Пи.Жэй. Такэр, Жэймс Жонсон, Жо Инглэс, Андрэ Игудала гэсэн довтлогчид өртөөд байгаа гэнэ.

Эдгээр тоглогчдоос ирэх боломжийн тухайд Данило Галинари, Рүди Гэй, Жэймс Жонсон нар юм. Бусад тоглогчдын хувьд багтаа үлдэх магадлал өндөр талаар эх сурвалжууд мэдээлж байна.

Андрэ Игудалаг цалингийн цэс хэтрүүлээд ч болтугай авч үлдэнэ гэдгээ Голден Стэйт Уорриорс илэрхийлээд байгаа. Такэр, Инглэс, Такэр зэрэг тоглогчдыг аваргын өрсөлдөөнд нэр нь яригддаг багууд авахыг зорилгоо болгох юм. Ямар ч тохиолдолд од тоглогчдын нүүдлийг харж байгаад бусад тоглогчид хөдөлдөг учраас Гордон Хэйвард, Пол Жорж зэрэг оддын нүүдлийн дараа өөрийн тоглох боломж, амьдрах орчин, цалин зэргийг харж байгаад багаа сонгодог нь чөлөөт агентуудын бичигдээгүй хууль билээ.

Б. Энх-Амгалан