Крис Полыг “Пуужингууд”-д алдсан Лос Анжелэс Клиппэрс Блэйк Гриффинг ч алдаж болзошгүй нөхцөл байдалтай байгаа билээ. Түүнийг авч үлдэж чадна гэж итгэлтэй байгаа боловч бүх одод хүчний довтлогч энэ Бямба гарагт Финикс Санс багтай уулзалт товлосон байна.

Финикс Санс түүнд 4 жилийн 130 сая ам.долларын гэрээ санал болгох боломжтой юм. Мөнгөнөөс илүү бас нэг зүйл байгаа нь НБА-д хамгийн шилдэг гэгддэг эмч нарын баг Финикс Сансд байдаг билээ. Гриффиний хувьд ойр ойрхон гэмтэх дуртай учраас цаашдын замналаа бодвол Финикс хот хамгийн сайн эмчилгээг түүнд санал болгох юм. Мөн залуу од Дэвин Бүүкэртэй үзүүштэй хослол үүсгэж болохоор харагдаж байна.

Харин Лос Анжелэс Клиппэрс нь нэг зүйлээрээ бусад багуудаас давуу талтай нь од тоглогчдоо 5 жилийн гэрээ санал болгох боломжтой. Энэ гэрээний сүүлийн нэг жил нь цалингаа бүрэн авах баталгааны заалттай байх юм.

Б. Энх-Амгалан