Испанийн Лас Пальмас клубын төвийн хагас хамгаалагч Рок Месаг авахаар Английн Свонси сити клуб 13 сая еврог санал болгоод байсан. Тэгвэл түүний төлөөх өрсөлдөөнд өөр нэгэн баг орж ирсэн нь Испанийн Атлетико Мадрид болжээ. Диего Симонегийн баг 28 настай хагас хамгаалагчийн төлөө 15 саяыг төлөхөд бэлэн байгаагаа мэдэгдсэн байна.

Хөлбөмбөгчний замналынхаа ихэнх хэсгийг II лигийн багуудад тоглож өнгөрүүлсэн тэрбээр сүүлийн 2 улиралд амжилтаа  ахиулсаар байгаа. Меса энэ хугацаанд Ла лигийн 69 тоглолтод оролцож8 талбайд 5839 минутын өнгөрүүлэхдээ тун үр ашигтай байснаараа Европын шилдэг мэргэжилтнүүдийн хараанд өртөөд байгаа юм.

Г.Баяраа