Тур де Франс уралдааны гол оролцогчдын тоонд багтаж байгаа Sunweb буюу хуучнаар Жайнт- Альпесин багийнхан өчигдөр албан ёсны танилцуулгаа хийжээ. Энэ үеэр бусдаасаа онцгой өмсгөлтэй тамирчин байсан нь Нидерландын дугуйчин Рамон Синкельдам байлаа.

Түүний өмсгөлийн энгэрт Нидерландын төрийн далбаат томоор дүрсэлсэн байсан бөгөөд багийн бүрэлдэхүүнд байгаа 9 дугуйчнаас ганцаараа улсынхаа аварга болсон тул ийм хүндэтгэлийг түүнд үзүүлжээ. Онцгой өмсгөлийн эзэн тэрбээр энэ жил Нидерландын аварга болсноор мэжор ангиллын  анхны түрүүгээ авсан юм.

Г.Баяраа