Английн Манчестер Юнайтед клуб Испаниас Алваро Моратаг авахаар хөөцөлдөж байгаа нь анхаарал татсан сэдэв болоод байгаа. Тэгвэл Улаан чөтгөрүүдийн удирдагч Жозе Моуриньюгийн сонирхож байгаа өөр нэгэн тоглогчийг Италийн зарим хэвлэл мэдээллийн хэрэгслүүд зарлажээ.

Энэ нь Английн Мидлсбро клубын хагас хамгаалагч Мартен Де Рон гэнэ. Өнгөрсөн 2016 оноос эхлэн Нидерландын шигшээ багт дуудагдах болсон тэрбээр жилийн өмнө Италийн Аталанта клубээс Английн багт 12 сая фунтын үнээр очиж байсан юм. Улмаар өнгөрсөн улиралд 36 тоглолтод орж, 5 гоолыг оруулсан аж.

Ирэх улиралд Маню хоёр цомын тэмцээнээс гадна Премьер лиг, Аваргуудын лиг гэсэн том тэмцээнүүдэд оролцох учраас бүрэлдэхүүнээ сайжруулах нь маш чухал болоод байгаа.       

Г.Баяраа