Их Британийн шилдэг дугуйчин Марк Кавендиш өнгөрсөн хаврын туршид вирусын халдвартай тэмцэж, тэмцээн уралдаанд оролцож чадаагүй байсан. Тэгвэл өнгөрсөн сараас түүний бие сайжирч, уралдаан тэмцээнүүдэд оролцож эхэлсэн байна. Шулуун замын мастер Кавендишийн хувьд өвчнөөс шалтгаалж оны эхэнд гаргасан хуваариа өөрчилсөн бөгөөд Словакийн аялал зэрэг төлөвлөөгүй уралдаанд оролцсон юм.

Тэгвэл Тур де Франс уралдаанд оролцох эсэх нь тодорхойгүй байсан Британи энэ энэ жилийн уралдаанд оролцох нь тодорхой болжээ. Өчигдөр Тур де Франст оролцогч багуудын сүүлийн мэдүүлэгийг авч нийт 198 дугуйчны  нэрийг зарласан бөгөөд Дайменшнс Дата багийн бүрэлдэхүүнд Британи эр багтсан байлаа.

Тэрбээр энэ жилийн уралдаанд Эдвальд Боассен Хаген (Норвеги), Марк Рэншо (Австрали), Стив Каммингс (Их Британи) нарын шилдэг 8 хамтрагчтай уг уралдаанд оролцохоор болжээ.

Г.Баяраа