Формула 1-ийн ДАШТ-нд оролцогч 10 багийн нэг Саубер шинэ гүйцэтгэх захирлын эрэлд гарах нь тодорхой боллоо. Учир нь багийн одоогийн захирал Мониша Калтенборн өчигдөр үүрэгт ажлаа хүлээлгэн өгчээ. Анх 2012 онд уг ажлыг хүлээн авч Формула нэгийн анхны бөгөөд цорын ганц эмэгтэй гүйцэтгэх захирал болж байсан тэрбээр 4 жил хагасын хугацаанд багагүй ажлыг амжуулсан нэгэн.

Энэтхэг гаралтай Австрийн иргэншилтэй бүсгүйн хувьд Австри, Их Британийн томоохон их сургуулиудыг дүүргэж өндөр хэмжээнд боловсрол эзэмшсэн нэгэн юм.

Түүний ажлаа өгсөн шалтгаан нь өнгөрсөн оны VII сард багийн шинэ ивээн тэтгэгчидтэй гэрээ хийгээгүйд байсан бөгөөд тус багийг Швейцарийн Лонгбоу санхүүгийн байгууллага ивээн тэтгэж эхэлсэн юм. Түүнийг орлох гүйцэтгэх захирлаар Саубер багийн үүсгэн байгуулагч Петер Саубер томилогдсон байна. 

Г.Баяраа