Дэтройт Пистонсын сэлгээний төвийн тоглогч Аарон Бэйнэс Дэтройт Пистонс багтай байгуулсан гэрээнийхээ өөрийн мэдэлд байсан сүүлийн жилийг цуцалж чөлөөт агент болсон байна.

Сүүлийн хоёр жилийг Андрэ Драммондын сэлгээнээс тоглож Дэтройт хотод өнгөрүүлсэн Бэйнэс ирэх долдугаар сарын нэгнээс дурын багтайгаа гэрээ байгуулах боломжтой болжээ. Ингэснээр плэй оффын төлөө тоглодог багуудад будагтай талбайн үлэмж биетнүүдийн нэгийг авч, сэлгээнийхээ хүчийг зузаатгах боломж олдож байна.

Харин түүнийг явуулснаар Дэтройтод Андрэ Драммонд, Бобан Марянович гэсэн хоёр “том” залуу үлдэж байгаа юм. Энэ жилийн драфтаар 12 дахь сонголтоор сонгох Дэтройт арын шугамаа зузаатгаж довтлогч эсвэл төвийн тоглогч авах байх гэж эх сурвалжууд үзэж байна.

Бэйнэстэй гэрээгээ сунгах сонирхолтой байсан боловч цалин мөнгөний асуудал дээр талууд тохиролцоогүй бололтой. Бэйнэсийн хувьд жилийн 10 сая орчмын гэрээ үзэглэх боломжтой.

Б.Энх-Амгалан