НБА-ын логоны эзэн Жэрри Вэст Лос Анжэлэс Клиппэрс багийн удирдах зөвлөлийн албаны зөвлөхөөр ажиллах болсон байна. Түүний гэрээ жилийн 4-5 саяын дүнтэй гэнэ. Багийн эзэн Стив Балмер Жэрри Вэстийг энэ албанд томилсноор дараа жил ЛэБроныг авахад нөлөөлнө гэж үзэж байгаа гэнэ. ЛэБрон Жэймс дараа жил чөлөөт агент болох юм. Саяхан гарсан мэдээллээр түүний эхнэр хатагтай Жэймс Лос Анжэлэс хотод амьдрахыг хүсэж байгаа юм байна. ЛэБрон Жэймс ч гэсэн Голдэн Стэйт Уорриорст ялагдсаныхаа дараа Лос Анжэлэст очих талаар ам нээсэн талаар Лос Анжэлэсийн хэвлэл мэдээллүүд шум гаргаад амжсан. ЛэБрон Жэймс Жэрри Вэст хоёр нь сүүлийн жилүүдэд байнгын холбоотой байгаа бөгөөд тэдний харилцаа нилээн дотно юм. Тэгвэл Лос Анжэлэс Лэйкэрс мөн ЛэБроныг авахыг хүсэж байгаа билээ. Тэд ирэх жил Пол Жорж, ЛэБрон Жэймс гэх хоёр сүпер довтлогчийг багтаа нэгтгэхийг зорьж байгаа бололтой.

Б. Энх-Амгалан