Дэлхийн шилдэг хөлбөмбөгчин Криштиану Роналду Испанийн Реал Мадрид багаас явах хүсэлтэй байгаа тухай мэдээ энэ зуны гол сэдэв байх нь гарцаагүй. Зарим эх сурвалжийн мэдээлж байгаагаар түүний 5 жилийн гэрээг худалдан авах баг ойролцоогоор 1 тэрбум еврог гаргах шаардлагатай гэгдэж байна.

Тэгвэл саяхан Германы III лигийн нэгэн баг Португалын сүпер одод нэгэн хөгжилтэй саналыг тавьжээ. Фортуна Кёльн баг албан ёсны твиттер хуудсандаа: “Хөөе Криштиану... Бид довтлогч хайсан хэвээр л байгаа даанч бидэнд мөнгө байхгүй. Гэхдээ бид чамд насан туршдаа үнэгүй пиво уух гэрээг санал болгож чадна” гэж жиргэжээ.

Энэ жиргээ хошгинол, тохуурхалын алин болох нь тодорхойгүй ч Роналдуд энэ саналыг хүлээн авахгүй байх баттай нэг шалтгаан бий. Учир нь К.Ронадлу архи, согтууруулах ундаа огт хэрэглэдэггүй аж. 

Г.Баяраа