ОУХБХ-ноос тоглолтын үеэр гоол орсон эсэхийг нягтлах зорилгоор бичлэг ухрааж харах туршилтыг хийсээр байсан. Хэдийгээр зарим нөхөрсөг тоглолтод үүнийг туршиж байсан ч яг албан ёсны тэмцээний үеэр хэрэглэж байсан удаагүй. Тэгвэл өчигдөр “Confederations Cup” тэмцээний үеэр эргэлзээтэй гоолын бичлэгийг ухраан харж, улмаар орсонд тооцоогүй юм.

Тэмцээний “А” хэсэгт багтсан Европ тивийн аварга Португал-Төн болон Хойд Америк, Карибын орнуудын аварга Мексикийн багууд өчигдөр хоорондоо тоглосон юм. Тус тоглолтын эхний хагас Португалийн багаас Нани гоол оруулсан ч Аргентин шүүгч Нэстор Питана гоолыг бичлэгийг дахин ухрааж гоолыг тооцоогүй байна. Учир нь Нани, Пэпэ, Андре Гомеш нарын тоглогчид отон тоглолтод орсон байсан бөгөөд ерөнхий шүүгч ч уг гоолыг тооцоогүй юм.

Энэ нь ОУХБХ-ны тэмцээнд бичлэг үзээд гоолыг тооцоогүй анхны тохиолдол болсон юм. Улмаар уг тоглолтод Мексик-Португалын багууд 2:2 харьцаатай тэнцэж оноо хуваажээ.

Г.Баяраа