Энэ улирал хөлбөмбөг сонирхогчдын анхаарлыг хамгийн их татсан баг бол Арсенал клуб. Алэксис Санчэзийг багтаа хадгалж үлдсэн, Арсэн Вэнгэртэй хоёр жилийн гэрээг дахин сунгасан гээд наймааны талбарт маш их хөдөлгөөнтэй байлаа. Хувьцаа эзэмшигчид ч хувьцаагаа наймаалцах тухай ам нээгээд амжсан. Үзэгч фэнүүд ч гэсэн энэ хугацаанд бүх л фронтод өөрсдийн дуу хоолойг илэрхийлсээр байгаа.

Ямартай ч хэл ам ихтэй улирал дуусдгаараа дууссан. Арсенал хүснэгтийн тавдугаар байраар улирлыг дуусгалаа. Харин удахгүй солилцоо наймааны цонх нээгдэнэ. Хөгжөөн дэмжигчид хэнийг авч ирэхийг хүсэж байгаа талаараа мөн л ам нээгээд амжжээ. Хамгийн эхэнд тэд Килиан Мбаппэг онилж байсан. Гэхдээ Монакогийн залуу одын араас Реал Мадрид, Чэлси зэрэг олон том баг хөөцөлдөж байгаа нь ханшийг нь өсгөж, Арсеналд нэгдэх боломжийг үлэмж сулруулах биз. Түүний араас фэнүүдийн арааны шүлсийг гоожуулж байгаа оддыг жагсаая. Александр Ляказетт, Арда Туран, тэгээд Сэск Фабрэгас. Испани эрийг Арсеналд хамгийн их тус болох тоглогч гэж фэнүүд нь үзэж байна.

Б. Энх- Амгалан