Жил бүр Тур де Франс уралдааны өмнө зохиогддог Критериум ду Дофине уралдаан өчигдөр өндөрлөлөө. Энэ жилийн уралдаан уламжлал ёсоор 8 үе шаттай зохиогдсон бөгөөд өчигдөр болсон сүүлийн шатны уралдаанд Астана багийн Дани дугуйчин Якоб Фюльсанг түрүүлсэн байна. Тэрбээр 115 км зайг 3 цаг 26 минут 20 секунтын хугацаанд туулжээ.

Улмаар уралдааны нийлбэр дүнг гарахад 32 настай Дани эр ялагчаар тодорсон байна. Тэрбээр 1155 км зайг 29 цаг 05 мин 54 секундын хугацаанд туулсан амжилтаар бүх тамирчдыг тэргүүлсэн бол араас нь Австралийн дугуйчин Ричи Порте, Ирландын Даниель Мартин нар орсон байна.

Тэмцээнд 22 багийн 150 гаруй дугуйчин оролцсоноос онооны аваргаар Францын Арнуд Демари, уулын уралдааны ялагчаар Нидерландын Кун Бауман нар тодорсон бол шилдэг залуу дугуйчны шагналыг Емануэл Бухман хүртсэн байна. Харин багийн дүнгээр Францын ла Мондиаль баг тэргүүлжээ. 2017 оны Тур де Франс уралдаан ирэх 7-р сарын 1-ний өдөр Германы Дюссельдорф хотоос эхэлнэ.  

Г.Баяраа