Хойд Америкийн Үндэсний Хоккейн Лигийн аваргын цуврал өндөрлөлөө. Питсбург Пэнгүйнс Нэйшвилл Прэйдэйторс багуудын цувралын зургаа дах тоглолт өнөөдөр Нэйшвиллийн талбайд болж 2:0 гэсэн онооны харьцаатай Питсбургийн “оцон шувууд” ялснаар цувралд дөрөвдөх хожлоо авч Стэнлин цомыг өргөсөн юм.

Ингэснээр тэр түүхэндээ тавдах удаагаа, мөн сүүлийн хоёр жил дарааллан аваргалж байна. Ингэснээр 1997, 1998 онуудад Дэтройт Рэд Вийнгс хоёр дарааллан аваргалж байснаас хойшхи дарааллан аварга авсан анхны баг болж байгаа юм. Энэ жил хамгаалалтын гол тоглогчдын нэг Крис Лэтангийг бэртэлд алдаж, плэй оффын турш түүнгүйгээр тоглосон оцон шувууд Сидней Кросби, Евгений Малкин нарын хамтаар ийнхүү хоёр дарааллан аварга боллоо.

Б. Энх-Амгалан