Английн Манчестер Юнайтед баг Испанийн шигшээ баг болон Реал Мадридын залуу довтлогч Алваро Моратаг авахаар хөөцөлдөж байгаа мэдээллүүд ар араасаа хөвөрсөөр байгаа. Харин 24 настай довтлогч өөрөө Англид очих сонирхол байгаа эсэх нь тодорхойгүй байгаа. Тэгвэл өчигдөр manchester_united_fans нэртэй Инстаграм хуудсанд Алвато Мората Манчестер Юнайтед багт ирэх тухай мэдээлэл гарсан бөгөөд энэ мэдээн дээр тоглогч өөрөө “Like” дарсан байжээ. Үүнийг харсан клубын фэнүүд түүнийг Англид ирэхээр төлөвлөж байна гэж тун таатай хүлээн авч байна.

2010 онд эхэлсэн мэргэжлийн замналдаа  Реал Мадрид, Ювэнтус гэсэн зөвхөн том багуудад тоглож байгаа тэрбээр өнгөрсөн улиралд 43 тоглолтод орж, 20 гоолыг оруулаад байгаа юм. 

Г.Баяраа